Afrit af skriftum mínum á grúbbu sem ég stofnaði á facebook.....

Var að horfa á Sky news , það er ekki vel talað um íslendinga í heiminum og lítið gert úr úr heiðarlegu og harðduglegum þegnum þessa lands þessa daganna,,,Það er búið að hafa okkur öll að fíflum vegna blautra drauma einstakra manna sem óðu uppí í barbíleik, pabbastrákar með staðlaðar ímyndir í huga og ráðamenn í rassvasanum . Þyrlur í hádeginu, Range Rower á hvern Hugo Bossa og Elton John í sér smíðuðum bústað fyrir þær árshátiðir sem haldnar voru hér á landi .
Einkaþotur, veislur og faldar skattfrjálsar fúlgur á eyðieyjum. Góðir almúga landsmenn við erum einskis virði í augum þessarar mafíu og nú þurfum við að moka flórinn eftir þessa sígráðugu smápatta sem hafa aldrei migið í saltann sjó . Þeir vita hverjir þeir eru og fela sig nú og reyna nú að laumast frmahjá okkur til að setjast eins og ormar á gullið sitt í höllunum sínum….Við ættum að fylkja liði öskufúl og byrja að tjá okkur ,við erum reið sár og illa svikin . Meira að segja forsetinn nýtti sér sukk og spillingu þessara eginhagsmunaseggja og húkkaði far milli landa. Börnin okkar eru dregin inn í óttablendna tíma. Dóttir mín á krónur inni á framtíðar reikning til 18 ára ,einnig sonur minn sem vill vita hvort fermingar aurarnir og afmælispeningarnir sem hann lagði inn á framtíðarreikning sinn verði til eftir 3 ár þegar framtíðin hans hefst.
Mér er illt í hjartanu . Ég er ekki með húsbréf eða erlend lán samt snertir þetta mig djúpt og ég get ekki ýmindað mér hvernig þeim líður sem sjá nú eftir öryggi sínu út um gluggann.
Þetta er allt vegna kæruleysis , óðagots, athyglissýki og græðgi manna sem EIGA að svara til saka og sjá sóma sinn í að biðjast afsökunnar á að eyðileggja framtíð okkar sem eftir sitjum í þeirra skuldasúpu. Það þarf ekki að vera hagfræðingur eða með eina einustu háskólagráðu til að bera fyrir sig heilbrigða skynsemi svo kostar hún ekki neitt.

Okkar frábæra olympiu silfur er áfallið og verðlaust og við þurfum nú að leggja það á börn okkar að byggja upp orðstýr þessa lands á ný, hvernig fyrirmydir erum við að kjósa okkur á alþingi?
Við verðum að passa að þau láti ekki vaða yfir sig líkt og við höfum látið stíga okkur ofan í skítinn.

Stöndum saman og látum þá seku svara til saka

 

Skrifaði þetta og stofnaði löngu fyrir jól .........

NÚ ER ÉG EKKI EINS REIÐ.... nú er ég öskureið.........

Group hjá mér á facebook,,,,,,verið með ef þið eruð sammála........